Տատա Խաչատրյան

Ես Տաթևիկն եմ, բայց ինձ դիմում են Տատա:

Կոլաժները իմ կյանքում հայտնվեցին պատահաբար ու ինքնաբերաբար:

Ամսագրեր միշտ սիրել եմ` վառ, ուրախ, երջանիկ ու հուսադրող: Հավաքել եմ ամբողջ աշխարհից բերված VOGUE, GQ, Harpers Bazaar, Vanity Fair, Forbes, ELLE, Marie Claire, People և այլ ամսագեր:

Ու մի օր որոշեցի ազատվել դրանցից, անիմաստ տեղ էին զբաղեցնում: Բայց չկարողացա, սկսեցի թերթել ու տարվեցի էսթետիկ քոնթենթով: Որոշեցի առանձնացնել ամենավառ էջերն ու պահել: Դե, ափսոս էր ամբողջ ամսագիրը նետելը: Հետո հաջորդ միտքն եկավ` միգուցե ամբողջ էջը չպահեմ, այլ կտրտեմ ամենագեղեցիկ պատկերները:

Հմմմ. Պարզվում է` նման զբաղմունքը հաճելի է: Կտրվում ես բոլոր մտքերից, օրվա էմոցիաներից ու մտնում ես գեղեցիկի աշխարհ:

Դե, կտրտված մասերն էլ հավաքվեցին իրար հետ, դարձան կոմպոզիցիա ու ստացա առաջին կոլաժը: 2023-ն էր:

Իրականում չեմ էլ հիշում, թե որն էր առաջինը, բայց առաջինից հետո մտքերը սկսեցին գալ` նորը պատրաստել, մեկը` դեղին, մյուսը` սպորտի մասին, մեկն էլ` ժամանակի:

Ու այսօր` 30+ աշխատանք, որոնք ներկայացնում եմ ձեզ: